ياصايغ الحروف.
حرف موزون
ومعاني تفوح
بعطرباهي لماح تصون
العشرة ومبادئها عمرها ماتخون
تبعث شلة رسائل راقية بفنون
العاقل من يفهمها وما يخيب الظنون
الرزانة حاضرة
والفكر وازن ديما ناضر ماشي مرهون
بعد عليك ياهذاالحسابات الضيقة
المغروزة سمومها في الركون
تفرق الخاوة من جهلهم ردودها قانون
تقول طلسم من جن غاوي مثقون
من حروف وارقام محكوم مسنون
تبعد هذا وتشت ذاك بعالم جاهل مفتون.
في هد الحالة كل شي فينا خاسر مغبون
كن هذا ولا ذاك كن شكون ماتكون
لاتتغابى ودير فيها عاقل وانت مجنون
ا و فاهم وعارف وانت مضيوم محزون
حكم عقلك ياخويا وافتح العيون
انا بلا بك وانت بلا بي
اش نكون اوتكون
العشرة ياخوي عمرها ماتهون
وصية مني ياشارد في هدا الكون
تمعن حكمة الحرف لا تبقى مغبون
رثلوها جدودنا من جيل لجيل في كتاب مكنون.
الحر ديما يبقى حر في نفس اللون
مهما طال به الزمان ومرت عليه السنون
نور باهي في أعماق يشع بكاف ونون
شريف الأصل عمرو مايبيع كلمة ولا يخون.
لا بكنوز فرعون ولا حتى بمال قارون.
اسمعني ياصايغ الحروف بالمعاني موزون.
حكمة خذها من عندي والعهد ديماتصون
بالمحبة والصفا كلشي يهون.
وبالعلم والحكمة والوفا كلشي يكون.
قالوها سيدنا اللي سبقونابكلام موزون
صفي تشرب
الدنيا فانية ومايبقى ويدوم غير رب الكون.
ذ.أمال السقاط الضخامة.
ليست هناك تعليقات:
إرسال تعليق