بقلم الأديب الشاعر / عادل أبو زيد

كيكي
وإيه يعني رقص كيكي
وايه شاغل  معاليكي
ولو زعلانه ع البنزين
فشيلي الدعم أرجوكي
وإيه يعني رقص كيكي
وخفّي قسوتك حبّه
ولو قولتيلي دي محبه
هاقولك ليه بتتخبّى
سيبيني أشوفها ف عنيكي
وإيه يعني رقص كيكي
أنا ماملكش سيارة
ولا فيلا ولا عمارة
ولا كارو ولا حمارة
وهاعمل إيه باموت فيكي
وإيه يعني رقص كيكي
ياقاسية ليه على عيالك
ورمياهم في اوحالك
عَمَلنا  ومالنا دا حلالك
وشاربين المرار فيكي
وايه يعني رقص كيكي
مستر عادل