بقلم الأديب الشاعر / عادل أبو زيد

لو عطشان
ولو عطشان
و كاسك كان خلاص  فاضي
ماتحلمش انه راح  يرويك
وبطّل حرق ع الفاضي
مدام القلب لسه جريئ
فمد ايديك
وخد لك م المحبة كاس
يبلّ الريق
أنا النهر اللي كان يروي
 عطش قلبك
أنا حُبك
وكنت بترتوي منّه
ورغم انه
تعب م الانتظار والشوق
وعاش مخنوق
تسمِّيه حب لو عايز
وجايز تبقى مستغني
أنا المعنِي بدمع عنيك
أنا اللي ليك
وباشتاق نظرتك حتى
ولو ثانية
وباترجاك من الدنيا
ومستنيك
تشاور لو بطرف عنيك
عشان أسقيك
لحد ماترتوي الأشواق
وتتساوى القلوب حبا
مابين المعشوقين غصبا
ولوعة حيرة العشاق
مستر عادل أبو زيد