بقلم الأديب الشاعر / مرقص نصيف أقلاديوس

الفرسان الثلاثة
بقلم..مرقص اقلاديوس
................
أهم ما فى الإنسان تلاتة.
عقله و قلبه و لسانه.
تلاقى واحد
عقله الكل فى الكل.
شغغال فى كل المناسبات.
حتى إن حب
تلاقيه يحسب تمن حبه
بالدينارات و الدولارات.

و واحد قلبه مضضيعه.
ما بيحسبش نهائى.
حتى فى حبه
تلقاه هوائى.
يوم
يطير بحبيبته فى السما.
و اليوم اللى بعديه
عاوز يغررقها فى أقرب بحر.
و يعيش انسان برمائى.

أما عن اللسان
فحدث و لا حرج.
بلسانه
يقلب احوال أجدع عيلة مستقرة
هرج و مرج.
و يعقد المياه السلسبيل
و يتفنن فى تحويل اللا مشكلة
الى مشكلة.
و يجننك بأه
و يقوللك
ربنا من عنده الفرج.

الحقيقة فيه مشكلة
بين الكاتب و الأحوال.
يا ترى يقول
سودة سودة
و ايه الجديد يعنى فى الأحوال.
ما كلها على قديمه
و حال بيسلم لحال.
و لا يقول
بكرا فرح إن شاء الله.
و هييجى خير بإذن الله.

و لا يكتب عن حب ربنا
و ضرورة
أن يعترف الإنسان
بجميل ربنا عليه
و إنه من محبته
إدا الحياة ليه.
و يحاول بكلمته
يرجع الإنسان
بعض من إنسان
خلقه ربنا زمان.

قولولى إنتم بأه
يقول إيه.
و لاتفضلوا يسكت
و يرييح و يرتاح
و زى ما كانت شهر زاد بتقول
فى ألف ليلة و ليلة.
و أدرك شهريار الصباح
فسكت عن الكلام المباح.

اجابتكم عن السؤال
ممكن تفهمنى
اسئلة ليها بيسألونى.
يا ريت
بجوابكم تبلغونى
     ملاح بحور الحكمة
     مرقص اقلاديوس