بقلم الأديب الشاعر/سامح سورسي

إياك

سامح سورسي

حرام عليك ياللي
كنت غاويني تملي
جاي دلوقتي تقوللي

لا لا ،،،  أنا موش بهواك ؟
وعاوزني كمان انساك ؟؟

إياك فاكرني هجيلك
انا عندك وأترجاك ؟؟؟

دانت يا روحي بتغني
وغناك ده اللي مطمني
قال يعني هتهرب مني

واروحلك واجري وراك

لا وحياتك يا غالي
ياللي دايما على بالي
بعدك عمره مايهنالي

وانا دايما باستناك

هتروح من حبي فين
دانت النني للعين
وانا وانت يا عمري اتنين

دايبين كده كده في هواك

كفاياك بقى تتعب قلبي
ماانت عارف ومخبي
اني في حضنك متربي

ولا يوم هقدر اسلاك
ولا يوم هقدر اسلاك

سامح سورسي