ياسنين العمر هدي
وطمنيني قوليلي بدري
علما بأن العمر يجري
استعدوا للحساب
-------
عملت أيه في حياتك أنت
غير لهو ولعب بنظام
هو أمتي الجد أمتي
ولا هي عيشة والسلام
---------
بص لغيرك وشوف مكانه
وأفتكر أنت فين
هو بقي سلطان زمانه
وأنت بتفرك في العنين
من أذان الفجر صاحي
بيسعي علي الرزق الحلال
وأنت طول اليوم نايم
يصحوك شوية عيال
----------
ليه يأبني تهين شبابك
وعمرك يضيع هباء
قوم من بدري افتح بابك
وأبدأ يومك بالدعاء
الرزق عمره ما يجيلك
من غير ما تسعي إليه
ولا أنت مستني غيرك
يسألك من فين وليه
--------
يا ابني أبوك كبر
وأيامه بقت معدودة
لازم تتعظ وتعتبر
فين أبوه وجدوده
-------
قوم بقي وبطل كسل
ودور علي عمل شريف
وهي الحياة بدون عمل
تبقي ذي الضيف السخيف
-------
قوم بقي وطمن أمك
ما هي كل يوم بتدعيلك
والله يا ابني شايله همك
وتتمني الفرح يجيلك
------
قوم يا ابني ربنا يهديك
وخليني ارفع راسي
ما هو أنا اللي مربيك
ولا أنت كمان ناسي
ولا أنت كمان ناسي
------
محمد رشاد
ليست هناك تعليقات:
إرسال تعليق