بقلم الأديب الشاعر/ سامح سورسي

آه يا زمن

سامح سورسي

عملت فيك ايه يا زمن
لما انت ،،،،،
كاويني ؟؟

خليت الخد ع اليد ،،،
والفكر شارد ،،،
والدمع ،،،
مني سال ،،،
لما ملا عيني

وأسرح بالخيال ،
الاقي الجرح ،
والفرح ،،،،،
ناسيني

ياللي أخدت
مني الأمان ،،،
وسبتلي الأحزان ،،،
تراعيني

منك أشكي ،،،
حالي لحالي
يمكن ،،،
تحن بالرضا ،،،
وتلحق تداويني

وتبعد عني الآه ،
والجرح انساه ،
والفرح القاه ،،،
يناديني

وآه يا زمن
ومن الآه
آهات ،،،،،
آهات ،،،
وآهات ،،، تبكيني

بتحجب عني الرؤى ،
وبتغير في تكويني ،،،
وتكويني

متقوللي يا زمن :
عملت فيك ايه
لما انت بالآلام ،،،
مهنيني ؟

الفكر غاب ،
والقلب خاب ،
والشعر شاب ،،،،

أمال إمتى يا زمن ،
راح تراضيني ؟؟؟

إمتى تراضيني ؟؟؟

سامح سورسي